حقيقة "العمليات" التى خضعت لها الفنانة حورية فرغلى.

الفنانة حورية فرغلى 

- الكل حكم عليها من برة من شكلها الخارجى و اتريقوا على مخلوق من مخلوقات ربنا مكنش ليه ذنب فى حاجة من اللى شكله وصلها واللى كتير ميعرفهوش عن الفنانة حورية فرغلى أنها اصلاً معملتش عمليات تجميل أساساً لإنها فى الأساس كانت حاصلة على لقب MISS EGYPT 2002 ملكة جمال مصر ومافيش واحدة بتاخد ملكة جمال وبتبقى عمله عمليات تجميل !

- الموضوع وما فيه واللى كتير ميعرفوش عن حورية فرغلى أنها قبل ما تمثل كانت بطلة منتخب مصر فى الفروسية وهى فى  المسابقة وقع الحصان عليها كسرلها مناخيرها ولما راحت تعمل عمليه فى مناخيرها الدكتور " منه لله " شلها عضم الأنف و الحاجز الأنفى كله يعنى مبقاش فى مناخيرها اى عضم !

- فلما بدأت تعمل مسلسل ساحرة الجنوب أتصابت بعدوى خطيرة جداً فى مناخيرها و عملتلها مضاعفات و صديد وصل للمخ سافرت على أساسهت أنجلترا علشان تعمل العملية كل الدكاترة هناك رفضوا أنهم يتورطوا ويجازفوا ويعملولها العملية لأن معندهاش عظام انف أساساً !

- الا دكتور واحد وافق وقلها علشان اعملك العملية لازم ناخد عضمة من جمجمة دماغك نحطها فى انفك علشان تكون مكان الحاجز الأنفى اللى اتشال عندك و بعد ما شالولها العضم من الجمجمة بتاعتها فضلت فى المستشفى اكتر من شهرين علشان فى الأخر بعد التعب دة كله ترجع تجمل مسلسل عجب الناس كلها !

- معاناة حورية فرغلى موقفتش كمان عند الكوارث اللى قولتها دى لا حورية فرغلى كمان وهى شابة جميلة فى عمرها دة اتحرمت من اهم حقوقها انها تبقى أم حورية فرغلى عندها ورم وراثى على الرحم بيمنعها انها تحمل وانها تكون أم !

- مش بس كدة حورية فرغلى مات حب عمرها قبل جوازهم بيومين ..انتوا متيخلين يعنى اية حب عمرها يموت قبل جوازها بيومين يعني نفسية وحياة مدمرة !

- انتوا بقى متخيلين شابه فى سنها دة الكل بيحسدها على اللى عندها واللى هى فيه ولسة ابواب الشهرة بتفتح ليها ابوابها ولسة صغيرة تتعرض لكل اللى حصلها ده وتتحول من واحدة جميلة الكل كان بيتمنى انه يتعرف عليها او يكلمها وتتحول من miss egypt ملكة جمال مصر لمثال للسخرية والتريقة بسبب شكلها انتوا متخيلين كلامكم دة  ممكن يعمل فيها وفى غيرها اية ؟

انتوا متخيلين انتوا بتحملوها سبب حاجة هى ملهاش ايد فيها كان ممكن تحصلك وتحصلى وتح  صل لأى وحد ساعتها هتعرفوا وتجربوا إحساسها اية ..بجد إحنا ازاى بقى وحشين اوى كدة فى بعض ..!

يَا أَيُّهَا الَّذِينَ آَمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ ..صدق الله العظيم !